The Universal House of Justice
Ridván 2026 / 183BE

To the Bahá’ís of the World

Dearly loved Friends,

Nei ko kamata ate lua, o lasaga e tafasili atu,ote Palane ote Iva o Tausaga. E lavea ne matou ate komiuniti Bahá’í ite lalolagi e fano ki mua fakatasi, e mautinoa i tena koosi ko oti ne fakatonu. A tena maina mote mautinoa tonu e se maua o fakaseegia. E se pokotia ne fakalavelave ote lalolagi, ko saga ifo tonu loa ki tena misiona tapu. Matou e lifu fakapitoa o lavea atu a taugasoa foou e nofo fiafia i olotou tulaga ite malae ote sevesi kae galue fakatasi mo latou kola ko leva ite Talitonuuga. A kalasata ite Tolu o tapulaa (milestone) ko fai mo kogaa mea maumea ite iloa mote apo o fai a mea kola ko toka o taukai kae fakauke atu. Kae e fiafia a matou o lavea atu i taugasoa e tauloto ate meseti ne kave ne matou kite fonotaga a Kaunisela kona ne maopoopo ikonei ia Tesema kae fakaaogaa ne latou o palane kae fakagalue.


 Ne lavea malosi ate agaaga aogaa i fonotaga a foitino (institutional meetings) konei ne fai ite lalolagi katoa. I taimi katoa, a tala o fakatasiiga konei e lipoti mai ate fakaasiga e tasi: se sautalaga pooko, kae kilo mao fakaautu tonu ki luga ite iloa mote mafai o atiake a komiuniti maalosi iloo ate fakana fua ki fakatauuga io me ko tala fai (theory). Ate sautalaga tenei e faakamaalosigia ne taulotoga kola e fai. E fakafonu ki luga ite iloa pooko ote taaua o taumafaiiga ate komiuniti Bahá’í pela foki mo pokotiaaga e oko kia latou mai ise fakalavelavegia kae e manako kii ki ne takitakiiga. Se lagona ote tiute mote manako o fakaiku e salalau, kae e iai se iloa ote lasi ote galuega. E masani ate sautalaga tenei o fai ne ia ke matala ne kiloga foou kola e atafiagia iei a taumafaiiga a komiuniti mo taugasoa takitokotasi kae seai fua kote taumafaiiga o fai a polokalame mo polotieki kae aofia iei kote fakaolaolaga ote auala ote olaga e fakasino ki luga i akoakoga fakatelagi – e fakafoliga mai iei a faiga, fesokosokotakiiga (interactions), mo kausakiiga (aspirations).


 Ate sautalaga foki loa tenei, e atafia mai iei a se manakoga kite tauloto, e galue katoa salalau ite komiuniti mai ite tulaga faka atufenua (national) kite region ke oko loa ki fakai (village) mo tuakoi falepili (neighbourhood), kae i aula kesekese, e aofia iei a fonotaga kola e fakamaopoopogia ne foitino pela foki mo niisi avanoaaga konei ko lavea atu. Se mea tonu me ka fakasae aka me se vaega e tasi ote National Convention. E nofo fakamoemoe matou o lavea a faiga a tino takitokotasi pela foki mo komiuniti e atili fakamaalosi kae fakalasi atu kae koi tala mai ate sautalaga tenei.Pena mote masani, se sautaaga tela e ttau o fakaloa atu ki potukau o taugasoa, tuakoi, mo niisi agaaga ola kola e olotasi a olotou mafaufauga kola e fakasiino a olotou taumafaiiga o aumai ate fano ki mua fakateagaaga mote fakatefoitino ki luga ite tafatasi o tagata. Avanoaaga ko faiite mote atilii fakalauefa atu ate sautalaga tenei – me ko latou e fai fakavave io me e palane loa fakalei mai i mua – ne fakaasiiga ote fano o pooko ate aofia mote sosaieti, kae e fakamoemoe matou me ka fano fano o masani o fai pena.


 Ite taulasiiga o tino ite sosaieti mataefa kola e fetaui mo galuega fai ate Bahá’ís i fakai e ofo i vaega fakalavea o latou. A latou e mafua mai ite aiaa tonu mote nofo lei o tino katoa, a ia e fakasaga tonu kite fakatasitasi mote sevesi, kae tautali ki akoakoga fakavae kae e uiloa e mafai o seai sena tali fakavave i so se fakalavealave. Ite agaaga o taumafaiiga fai fakatasi, a Bahá’ís e salasala o galue fakatasi fakatau feasoasoani mo niisi tino kae tauloto fakatasi; kae i vaasia kona e mafai ne latou o maua ko latou kola e nofo i tulaga pulepule mote maalosi i sosaieti, a latou e maina kae lei foki a olotou kiloga. E taumafai latou o fuli ate nofonofoga aunoa mo se manakoga faka politiki io me ko te lei loa o latou ia latou, kae atafia ia latou me kote fanaka ate tulaga lei ote Talitonuuga, ko gasolo o taaua kote tinaa uiga tonu mo fakamoemoega o ia ko ttau o maina fakalei. Ite taulasiiga o kogaakoga, ate gasolo o pooko a fesokosokotakiiga ate komiuniti mote sosaieti salalau, ko tena uiga e tau loa o isi a fakanofonofoga foou e tau o saeelegia mo fesili fou e tau o tali, ko ala iei mo mea e fai ne latou ate komiuniti ke atili atiake a tena iloa mote mafai loa ia ia.


 Pela mote mea e fakamatala atu ne matou ite motou meseti kite fonotaga a Kaunisela, se atiakeega tafasili ite taaua ite fa o tausaga ko teka atu, kote fakasae aka ote komiuniti pela me se feitu lago lauiloa ote Palane, fakatokatoka a ia o agai atu a manakoga fakapitoa kae galue foki o kave ki mua a malae fakapitoa ote taumafaiiga, o fakatoka ate sapoti mai i luga i faifaiiga o galue fakatasitasi, kae tauloto ke atili lei atu ate galue iloto ise fakanofooga mafulifuli (evolving), Se fakatusa tafasili ite lavea atu ko potukau talavou, e galue fakatasi ise fakai o fakamaalosi atu kkau mai o nissi o latou. E tonu, ko olotou taumafaiiga e penefiti maalsoi foki loa ite alofa atafai mote fakamaalosi mote takitakiiga a foitino, ka ko talavou ko oti foki ne fakaasi ate mafai o latou o puke kise galuega ka fakamasino avanoaaga taaua ote sevesi. Ite lasiiga o taimi, a olotou taumafaiiga e fai i taimi ote fakakinau mote nofo se toka, nofo se lei i feitu tau maumea, mo mavaevaeega ite nofo se lei o tino. E atafia ia matou a fuifaiiga e agai atu mo talavou i tulaga penei, kae e tavae ne matou a latou ona kote mafai e latou o teke atu ate fakaosoosooga o fai muna kae fakamasei, ka e ui iai e salasala auala kola e taaua o tauala keatea mai i fakalavelave kae galue ki mua o fakatakavale a latou.


 Taugasoa fakapelepele, me e pefea loa ate sousougia o taimi konei, e fakamaalosi atu matou kia koutou ke se fanoanoa io me loto vaaivai. ‘Abdu’l-Bahá e akoako mai kia tatou katoa ke fakanaa a tatou ki luga i fakamanuiaaga ate Atua, kote mea ke “tumau ate fakamoemoe”, ke “mautakitaki” tatou i tou fakamoemoeega, kae ke fai tatou me ko “pogai ote fakamoemoeega mo agaaga ola kola ko seai ne olotou fakamoemoe”. Kafai ate sikulagi ote lalolagi ko fano o pouli, ate fakamoemoe ko fai foki o mutana kae se kope e tafasili ite taaua – kae e ui iai se kope tela ate komiuniti ote Igoa Tafasili ite Takutakua ne lausa a tena fakamanuiaga ona ko tena makeke o tena talitonu ite aa taeao ote lanu o tagata kae ona foki ko tena mea ne tauloto mai itena iloa mo tena apo o fai a mea. E fia ate tokouke o tino e naunau ki te fakamoemoeega e mafai ne koutou o aumai ki olotou loto.


 Ki se fakatusa aulo o se komiuniti tela ko leva ne puipui ne latou ate afi o fakamoemoeega, e taumata tatou kia latou kola e fakaseegia kae e ui iei e onosai, e tumau ate mautakitaki, taugasoa maalosi o Bahá’u’lláh ite Fenua o Tena Talitonuuga. E lavea ate tumau ite lei a olotou amioga, ite sagatonu ki akoakoga fakavae ite fia mote fia o sefulu tausaga ne fakasauanoagina a latou seai se manava- kae ne mafai ne latou o fakaiku ke tauloto mai i gasuega olo ki mua a taugasoa i niisi fenua, kae e loto maalosi a latou o galue tavini kae apai feasoasoani atu ki taugasoa ite fenua foki loa o latou. Kite taulasiiga o olotou taugasoa a latou, kae tumau pena, pela me ne pikini (beacon) o fakamoemoeega, se vaipuna ote alofa atafai mote kiloga mao, kae ne taugasoa e fakatalitonugia ite auala ote galue tavini. I lua vaiaso konei fakamuli mo masina, a taugasoa konei kola e fakapelepelegia kii ne matou e nofo faeloa i omotou mafaufau pela foki mo ulu tala faisoko o omotou talosaga, ia matou e talitonu me e pena foki koutou i olua talosaga fai, o akai atu kite Aliki e Favavau a Tena Alofa ke puke atu a latou i Tena fakaakoi mote atafai.


 Ko outou taumfaiiga totino o kave ate Fakatokaaga ate Atua ki mua e fai mo pogai taaua e ifo talosaga atu matou i Mataloa Tapu – kae maise loa nei, ite kamataga ote vaega fou ote Palane ote Iva Tausaga. Pela mote masani e aasi saale matou ki Tugamau Tapu, e akai totuli atu kite feasoasoani fakatelagi mote lago ki oulua taumafaiiga, kae talosaga fakamolemole kite loto tumau mote fakamaalosi mo koulua i oulua kausakiiga. Ke mafai koulua o gasue fakavave kae fiafia o tauloto, kae ke mafai a fakamanuiaaga katoa ote malo ite lagi ke ia koulua.

The Universal House of Justice