Zitelli (#9413)

O tù chì sì lu mio Diu, cundùcimi, prutègimi, allumina a làmpana di u mio core è fammi diventà una stella luccicante. Tù sì u Forte, u Putente.

-Bahá'u'lláh
-----------------------

Zitelli (#9414)

O Diu, alleva issu bambinu in grembiu à tu to amore è nutrìscilu cù u latte di a to sullecitùtine. Cura issu tallu ind’u rusulaghju di u to amore è annàcqualu cù l’acqua di a to buntà. Fà ch’ellu sia figliolu di u regnu è cundùcilu ver di a to dimora celeste. Tù sì putente è mansuetu. Tù sì u Dispensatore, u Generosu, u Signore d’infinita misericordia.

-Bahá'u'lláh
-----------------------

Zitelli (#9415)

O Diu, insegna sti zitelli. Sò e piante di u to ortu, i fiori di u to pratu, e ròsule di u to giardinu. Fà piove nant’à elli a to acqua, falli luccicà cù u sole di realità, di tuttu u to amore ! Chì u to ventulellu i rinfreschi per ch’elli sìanu ben allevati, ch’elli crèscanu, si svilùppinu è sbòccinu in tuttu u splendore di a so bellezza ! Tù sì u Dispensatore, tu sì a Cumpassione.

-Bahá'u'lláh
-----------------------

Zitelli (#9416)

O Diu, fa splende issu giòvanu è sia generosu ver di sta criaturella Accòrdali a cunniscenza. Ogni matina, dalli una forza più soda è prutègilu per ch’ ellu si franchi ogni errore, ch’ellu si dia di rimenu per a to càusa, cunduci i ribelli è i sfurtunati, sprigiuneghja l’incarcerati, disceta i spenserati, è chì tutti apprufìttinu di u to ricordu è di a to loda. Tù sì u Putente, u Forte.

-Bahá'u'lláh
-----------------------

