EKIRO (#6263)

Ayi Katonda wange, Mukama wange, Ekiruubirirwa ky'okwegomba kwange!  Ono omuddu Wo, anoonya okwebaka mu kisiikirize ky'okusaasira Kwo, era n'okuwummulira wansi wa minvuuli y'ekisa Kyo, nga yeegayirira okulabirirwa n’obukuumi Bwo.  
Nkwegayirira Ggwe, Ayi Mukama wange, ku lw'eriiso Lyo eritabongoota, okuume amaaso gange obutatunuulira kirala kyonna wabula Ggwe.  Kale nno, oyogiwaze okulaba kwago gasobole okwekaliriza obubonero Bwo, era n'okulaba Obugazi bw'Okubikkulirwa Kwo.  Ggwe y’Oyo mu maaso g’okubikkulirwa kw’amaanyi Go gonna ennono y’obuyinza eyuuguumiziddwa.
Teri Katonda okuggyako Ggwe, Ayinza-byonna, Awangula-byonna, Ataliiko-kkomo.

-Bahá'u'lláh
-----------------------

EKIRO (#6264)

Nyinza ntya okusalawo okwebaka, Ayi Katonda, Katonda wange, nga ate amaaso gaabo abakuyaayaanira Ggwe tegalina tulo kubanga tegakyakulaba Ggwe; era nnyinza ntya okugalamira mpummule nga emyoyo gy'abaagalwa Bo girumwa obugigi kubanga giri wala okuva Ggwe wooli?
Ayi Mukama wange, ntadde omwoyo gwange, n'obulamu bwange bwonna mu mukono ogwa ddyo ogwamaanyi Go n’obukuumi Bwo, era ŋŋanzika omutwe gwange ku mutto ku lw'obuyinza Bwo era ne nguyimusa olwokwagala n’okusiima Kwo.  Mu mazima, Ggwe Mukuumi, Alabirira, Ayinza-byonna, Asingira ddala amaanyi.
Ndayira ku lw'obuyinza Bwo!   Mbeere mu tulo oba nga nzuukuse, sisaba kirala okuggyako ekyo Ggwe ky'oyagala.  Nze ndi muddu Wo, era ndi mu mikono Gyo.  Ombeere Ggwe n’ekisa okukola ekyo ekinaabunyisa akaloosa k'obulungi Bwo.  Mu mazima, lino ly’essuubi lyange era essuubi ly’abo abasanyukira okukulinaana Ggwe.  Ettendo libe eri Ggwe, Ayi Mukama ow'ensi zonna!

-Bahá'u'lláh
-----------------------

