НАВҶАВОНОН (#14537)

Ҳуваллоҳ! Эй Парвардигор! Ин навҷавонро нуронӣ кун ва ин бенаворо навое бахш ва огоҳӣ ато фармо ва дар ҳар субҳгоҳе мадади ҷадиде бахш, то дар паноҳи Ту аз ҳар гуноҳе маҳфуз ва масун монад ва ба хидмати Амрат пардозад. Гумроҳонро ҳидоят фармояд ва бечорагонро далолат кунад. Асиронро озод намояд ва ғофилонро бедор кунад. Ва ба ёд ва зикрат дамсоз шаванд. Туӣ Муқтадир ва Тавоно.

-`Abdu'l-Bahá
-----------------------

НАВҶАВОНОН (#14538)

Ҳуваллоҳ! Эй Пок Яздон, ин ниҳолони ҷӯйбори ҳидоятро аз борони абри иноят тар ва тоза фармо, ва ба насими риёзи аҳадият эҳтизозе бахш, ва ба ҳарорати Шамси Ҳақиқат ҷони тоза ато намо, то нашв ва намо намоянд, ва рӯз ба рӯз тараққӣ кунанд, ва шукуфта гарданд, ва пурбор ва барг шаванд. Эй Парвардигор, ҷумларо ҳушёр кун ва қувват ва иқтидор бахш ва мазоҳири тайид ва тавфиқ фармо, ки дар ниҳояти барозандагӣ дар байни халқ маҳшур шаванд. Туӣ Муқтадир ва Тавоно.

-`Abdu'l-Bahá
-----------------------

НАВҶАВОНОН (#14539)

Ҳувалабҳо! Эй Худои меҳрабон, ин навгули гулистони муҳаббататро аз шабнами иноят тар ва тоза бифармо, ва ин тозаниҳоли бӯстони ҳидоятро ба тарбияти боғбони аҳадият парвариш деҳ ва ин шохи сабзро дар гулшани алтоф музайян ба шукуфа ва барг кун ва ин дурдонаи маърифатро дар оғӯши садафи раҳмат бипарвар. Эй Худованд, ҳар мустамандеро тавонгар намо ва ҳар дардмандеро дармон бахш, ҳар фақиреро ба ганҷи равон далолат кун ва ҳар асиреро аз занҷири қуюд озодӣ бахш. Туӣ Тавоно ва Бино, ва Огоҳ ва Шунаво, тайид эҳсон намо.

-`Abdu'l-Bahá
-----------------------

