КУДАКОН (#14523)

Ҳуваллоҳ! Худоё! Ҳидоят намо, ҳифз фармо. Сироҷе равшан кун, ситораи дурахшанда намо. Туӣ Муқтадир ва Тавоно.

-`Abdu'l-Bahá
-----------------------

КУДАКОН (#14524)

Ҳуваллоҳ! Эй Худованди бемонанд! Ин тифли ширхорро аз пистони иноят шир деҳ ва дар маҳди савн ва ҳимоят маҳфуз ва масун дор, ва дар оғӯши алтоф парвариш деҳ.

-`Abdu'l-Bahá
-----------------------

КУДАКОН (#14525)

Ҳуваллоҳ! Эй Худованди меҳрабон! Ин атфоли нозанин сунъи дасти қудрати Туанд ва оёти азамати Ту. Худоё! Ин кӯдаконро маҳфуз бидор. Муайяд бар таъолим кун ва муваффақ бар хидмати олами инсонӣ фармо. Худоё! Ин атфол дурдонаанд, дар оғӯши садафи иноят парвариш деҳ. Туӣ Бахшанда ва Меҳрабон.

-`Abdu'l-Bahá
-----------------------

КУДАКОН (#14526)

Ҳуваллоҳ! Тифли сағирам, пистони иноятро садйи азиз кун ва аз шаҳд ва шир муҳаббатат нашъу намо бахш. Ва дар оғӯши маърифатат парвариш деҳ. Дар кӯдакӣ озодагӣ деҳ ва фарзонагӣ бахш ва ин бениёзро маҳрами Малакути роз намо. Туӣ Муқтадир ва Тавоно.

-`Abdu'l-Bahá
-----------------------

КУДАКОН (#14527)

Ҳуваллоҳ! Худоё! Тифлам, дар зилли иноятат парвариш деҳ. Ниҳоли тозаам, ба рашаҳоти саҳоби иноят парвариш фармо. Гиёҳи ҳадиқаи муҳаббатам, дарахти борвар кун. Туӣ Муқтадир ва Тавоно ва Туӣ Меҳрабон ва Доно ва Бино.

-`Abdu'l-Bahá
-----------------------

КУДАКОН (#14528)

Парвардигоро! Ин атфолро ниҳолҳои беҳамол кун ва дар ҳадиқаи Мисоқ нашъу намо бахш ва ба файзи саҳоби Малакути Абҳо тароват ва латофат деҳ. Меҳрабоно! Тифли сағирам, ба духул дар Малакут кабир фармо. Дар заминам, осмонӣ фармо. Носутиям, лоҳутӣ фармо. Зулмониям, нуронӣ кун. Ҷисмониям, руҳонӣ намо. Ва мазҳари фуюзоти номутаноҳӣ фармо. Туӣ Муқтадир ва Меҳрабон.

-`Abdu'l-Bahá
-----------------------

КУДАКОН (#14529)

Ҳуваллоҳ! Эй Худованди Меҳрабон! Ин дарахтонро зиннати ҷаннати Абҳо намо ва ба файзи осмонӣ парвариш деҳ. Сабзу хуррам кун, ва шабнам нисор намо. Пироҳани сундусе бипӯш ва тоҷе аз шукуфаи абқарӣ бар сар неҳ. Самараи тайиба бибахш ва роиҳаи муаттара ато фармо. Туӣ Бахшанда ва Меҳрабон, ва  Дурахшанда ва Тобон.

-`Abdu'l-Bahá
-----------------------

КУДАКОН (#14530)

Ҳуваллоҳ! Раббӣ, Раббӣ! Кӯдакам хурдсол, аз пистони иноят шир деҳ, ва дар оғӯши муҳаббатат парвариш бахш, ва дар дабистони ҳидоят таълим фармо, ва дар зилли иноятат тарбият кун. Аз торикӣ бираҳон, шамъи рушан кун. Аз пажмурдагӣ наҷот дода, гули гулшан фармо. Бандаи остон кун, ва хулқ ва хӯи ростон бахш. Мавҳибати олами инсонӣ кун ва тоҷе аз ҳаёти абадия бар сар неҳ. Туӣ Муқтадир ва Тавоно, ва Туӣ Шунаванда ва Бино.

-`Abdu'l-Bahá
-----------------------

КУДАКОН (#14531)

Ҳуваллоҳ! Эй Худованди Меҳрабон! Ин духтари малакутро таъйид фармо ва тавфиқ бахш, то бар Амрат собит ва мустақим монад ва монанди булбули гулшани асрор ба абдаъи алҳон дар ҷаннати Абҳо бисарояд ва ҷамеъро шодмон намояд, ва дар миёни баноти Малакут азиз фармо, ва ба ҳаёти абадия муваффақ фармо. Туӣ Бахшанда ва Меҳрабон.

-`Abdu'l-Bahá
-----------------------

КУДАКОН (#14532)

Эй Парвардигор! Ин духтари Малакутро дар ду ҷаҳон азиз намо. Аз ҷаҳони хок ва хокиён безор кун ва ба ҷаҳони боқӣ ҳамдам ва ҳамроз намо. Қуввати таъйид бахш ва ба нафасоти Руҳулқудс тақвият намо, то ба хидмат қиём намояд. Туӣ Тавоно.

-`Abdu'l-Bahá
-----------------------

КУДАКОН (#14533)

Ҳуваллоҳ! Эй Ҷалили Акбар! Ин канизи сағирро духтари хушахтар фармо; ва дар даргоҳи аҳадиятат азиз кун; ва аз ҷоми муҳаббатат лабрез намо, то шӯр ва валаҳе ангезад ва мушк ва анбаре безад. Туӣ Муқтадир ва Тавоно, ва Туӣ Доно ва Б ино.

-`Abdu'l-Bahá
-----------------------

КУДАКОН (#14534)

Ҳуваллоҳ! Худовандо! Ин тифли сағирро дар оғӯши муҳаббатат парвариш фармо ва аз садйи иноят шир деҳ. Ин ниҳоли тозаро дар гулшани муҳаббатат бинишон ва ба рашаҳоти саҳоби иноят парвариш деҳ. Аз атфоли малакут кун ва ба ҷаҳони лоҳут ҳидоят фармо. Туӣ Муқтадир ва Меҳрабон, ва Туӣ Диҳанда ва Бахшанда, ва Собиқ– ул– инъом.

-`Abdu'l-Bahá
-----------------------

КУДАКОН (#14535)

Ҳуваллоҳ! Эй Худои меҳрабон, ҳарчанд кӯдаконем бенаво ва тифлонем нотавон, парешонем ва бесару сомон, вале ниҳолҳои боғем ва Ту боғбон.
Парвардигоро, ба файзи абри иноят ва ҳарорати Шамси Ҳақиқат ва ҳубуби насими ҳидоят ин ниҳолҳоро нашв ва намо деҳ ва тароват ва латофат бахш, то барг ва шукуфа орад ва мусмири самар гардад. Худованди меҳрабоно, нодонем доно кун, бечашмем бино фармо, мурдаем зинда кун, бекасем бинавоз ва меҳрубон бош, муваффақ бар таолим ва таълим кун, ва муайяд бар таҳсил ва такмил. Туӣ Муқтадир ва Тавоно ва Туӣ Диҳанда ва Бахшанда ва Меҳрабон.

-`Abdu'l-Bahá
-----------------------

КУДАКОН (#14536)

Ҳуваллоҳ! Эй Худо! Тифли маъсумам, дар паноҳи Худ ҳифз намо. Инояте кун. Раҳмате бифармо. Тарбият намо. Ба неъмат бипарвар. Қобилияте бахш, то Малакутӣ гардам, раббонӣ шавам, руҳонӣ шавам, нуронӣ гардам. Туӣ Муқтадир ва Тавоно, ва Меҳрабон.

-`Abdu'l-Bahá
-----------------------

