CHILDREN (#12940)

O God, soim rot long mi.  Lukautim mi.  Mekim mi i kamap olsem lam i lait na sta i lait tru.  Yu Strong na Yu Gat Pawa. 

O God, guide me, protect me, make of me a shining lamp and a brilliant star.  Thou art the Mighty and the Powerful.

-`Abdu'l-Bahá
-----------------------

CHILDREN (#12941)

O God!  Skulim ol dispela pikinini.  Ol dispela pikinini em ol kru long gaden diwai bilong Yu, ol plaua long ples kunai bilong Yu na ol ros long gaden bilas bilong Yu. Inap ren bilong Yu i pundaun long ol.  Inap San bilong Trupela Ples bilong Yu i lait long ol wantaim lav bilong Yu. Inap ol i kisim gutpela win bilong Yu, bai ol i skul gut, gro gut, na kamap gut olgeta.  Bai ol i naispela tumas i stap.  Yu Save Givim Olgeta Samting.  Yu Save Sori Long Olgeta Man. 

O God!  Educate these children.  These children are the plants of Thine orchard, the flowers of Thy meadow, the roses of Thy garden.  Let Thy rain fall upon them; let the Sun of Reality shine upon them with Thy love.  Let Thy breeze refresh them in order that they may be trained, grow and develop and appear in the utmost beauty.  Thou art the Giver!  Thou art the Compassionate!

-`Abdu'l-Bahá
-----------------------

CHILDREN (#12942)

O Bikpela bilong mi! O Bikpela bilong mi! 
Mi yangpela pikinini yet na mi no gat planti krismas.  Inap Yu givim kaikai long mi, em kaikai i kam long gutpela marimari bilong Yu.  Inap Yu lainim mi wantaim lav bilong Yu inap long mi ken kamap gut.  Inap Yu givim skul long mi, we dispela skul i kam long rot Yu Yet i soim long mi.  Na inap Yu helpim mi long kamap strong taim mi stap aninit long marimari bilong Yu.  Inap yu helpim mi long lusim tudak. Yes, inap Yu mekim mi kamap olsem wanpela lait i lait olgeta.  Inap Yu helpim mi long pinis long sori nau.  Mekim mi kamap olsem wanpela ros plaua i bilasim gaden bilong Yu.  Larim mi kamap olsem wanpela wokman long dua bilong Yu.  Na givim gutpela pasin na sindaun long mi. Yes, em dispela pasin na sindaun we ol manmeri husat i gat stretpela pasin i kisim.  Inap Yu mekim mi kamap olsem gutpela presen i ken helpim ol manmeri long graun.  Na bilasim het bilong mi wantaim hat king bilong laip i stap oltaim oltaim. 


O my Lord! O my Lord!  I am a child of tender years. Nourish me from the breast of Thy mercy, train me in the bosom of Thy love, educate me in the school of Thy guidance and develop me under the shadow of Thy bounty!  Deliver me from darkness, make me a brilliant light; free me from unhappiness, make me a flower of the rose-garden; suffer me to become the servant of Thy Threshold and confer upon me the disposition and nature of the righteous ones; make me a cause of bounty to the human world and crown my head with the diadem of eternal life! Verily, Thou art the Powerful, the Mighty, the Seer, the Hearer!

-`Abdu'l-Bahá
-----------------------

CHILDREN (#12943)

O Bikpela, Yu Naispela Olgeta!  Inap Yu mekim dispela liklik wokmeri bilong Yu i kamap amamas na pulap long marimari bilong Yu. Inap Yu mekim em i kisim bikpela lav long dua bilong Yu.  Yu wanpela tasol.   Na inap Yu helpim em long dring gut tru long kap bilong lav bilong Yu.  Olsem na bai em i ken pulap long bikpela amamas tru.  Bai em inap long givimaut naispela smel i swit tru.  Yu Strong na Yu Gat Pawa.  Yu Save Long Olgeta Samting.  Na Yu Gat Olgeta Save na Yu Save Lukim Olgeta Samting. 

O Thou most glorious Lord!  Make this little maidservant of Thine blessed and happy; cause her to be cherished at the threshold of Thy oneness and let her drink deep from the cup of Thy love so that she may be filled with rapture and ecstasy and diffuse sweet-scented fragrance.  Thou art the Mighty and the Powerful, and Thou art the All-Knowing, the All-Seeing.

-`Abdu'l-Bahá
-----------------------

