Asisténsia (#12531)

Maromak sufisiente mai ha’u. Tebes duni, Nia mak sufisiente liu buat hotu-hotu. Husik nia ne’ebé fiar, fiar nafatin iha Nia.

-Bahá'u'lláh
-----------------------

Asisténsia (#12533)

Oh ha’u-nia Maromak! Ha’u husu Ita-Boot, ho Ita-Boot nia Naran gloriozu, atu tulun ha’u iha buat ne’ebé sei haburas esforsu husi Ita-Boot nia atan sira, no avansa Ita-Boot nia sidade sira. Tebes duni, Ita-Boot mak iha podér hodi ukun buat hotu-hotu!

-Bahá'u'lláh
-----------------------

Asisténsia (#12536)

Oh ha’u-nia Maromak! Kria iha ha’u fuan ne'ebé moos no renova konsiénsia hakmatek iha ha’u-nia laran. Oh ha’u-nia Esperansa! Liuhosi espíritu kbiit nian konfirma ha’u iha Ita-Boot nia Kauza. Oh ha’u-nia Bein-Amadu! Liuhosi naroman husi Ita-Boot nia glória hatudu mai ha’u Ita-Boot nia dalan. Oh Ita-Boot ne’ebé mak Alvu husi ha’u-nia deseju! Liuhosi kbiit husi Ita-Boot nia podér aas, hasa’e ha’u ba Ita-Boot nia lalehan santidade nian. Oh Hun ba ha’u nia ezisténsia! Liuhosi anin-hirin husi Ita-Boot nia eternidade haksolok ha’u. Oh Ita-Boot ne’ebé ha’u nia Maromak! Husik Ita-Boot nia melodia rohan-laek huu iis hakmatek mai ha’u. Oh ha’u nia Belun! Husik rikusoin husi Ita-Boot nia aparénsia antigu halo ha’u livre husi buat hotu só Ita-Boot de’it. Oh ha’u nia Na’i! Husik notísia kona-ba Revelasaun husi Ita-Boot nia esénsia mohu-laek atu lori ksolok mai ha’u, Oh Ita-Boot ne’ebé manifestu liu buat manifestu hotu no subar liu buat subar hotu!

-Bahá'u'lláh
-----------------------

Asisténsia (#12530)

Dehan: Maromak sufisiente liu buat hotu-hotu, no laiha buat ida iha lalehan ka iha rai, só Maromak de’it ne’ebé sufisiente. Tebes duni, Nia mesak Hatene-na’in, Sustenta-na’in, Omnipotente.

-The Báb
-----------------------

Asisténsia (#12534)

Iha buat ida ne’ebé bele hasai susar hotu, se karik la’ós Maromak? Dehan: Hahi’i Maromak! Nia maka Maromak! Hotu-hotu Ninia atan, no hotu-hotu halo tuir Ninia hakarak.

-The Báb
-----------------------

Asisténsia (#12532)

Oh Ita-Boot Maromak Laran-murak. Haraik mai ha’u laran ida ne’ebé, hanesan vidru, bele sai nabilan liuhosi naroman husi Ita-Boot nia Domin, no fó mai ha’u hanoin sira ne’ebé bele troka mundu ne’e ba jardín roza ida, liuhosi grasa ne’ebé tun mai husi lalehan.

-`Abdu'l-Bahá
-----------------------

Asisténsia (#12535)

Na’i! Ami folin-laek, haraik mai ami Ita-Boot nia favór; kiak, haraik mai ami sahin husi oseanu Ita-Boot nia rikusoin nian. Mukit, halo ami satisfás; rebaixu, fó mai ami Ita-Boot nia glória. Manu-fuik sira iha anin leten no balada sira iha rai simu sira nia hahán loroloron husi Ita-Boot, no hotu-hotu hola parte husi Ita-Boot nia kuidadu no domin-laran-di'ak.

-`Abdu'l-Bahá
-----------------------

