मदत (#12519)

हे माझ्या परमेश्वरा! तुझ्या अति वैभवशाली नामाद्वारे मी तुझी याचना करतो की तुझ्या सेवकांच्या कार्याची भरभराट व तुझ्या नगरांची समृद्धि करण्यास मला सहाय्य कर. खरोखर, तुझी सर्व सृष्टिवर सत्ता आहे.

-Bahá'u'lláh
-----------------------

मदत (#12520)

स्वामी! आम्ही दयनीय आहोत, तवकृपेचे आम्हास वरदान दे; आम्ही दरिद्री आहोत, आमच्यावर तुझ्या संपत्ति महासागरातून एक भाग प्रदान कर; आम्ही गरजू आहोत, आमचे समाधान कर; आम्ही हीन आहोत, आम्हाला तुझे वैभव दे. प्रतिदिनी आकाशातील पाखरे आणि भूमीवरील पशु यांना त्यांचे भक्ष्य तुझ्याकडूनच मिळते आणि सर्व प्राणीमात्र तुझी दक्षता आणि प्रेमळ दयेचा लाभ घेतात.

	ह्या दुर्बलास तुझ्या अलौकिक कृपेपासून वंचित करू नकोस आणि ह्या असहाय्य आत्म्यासाठी, तुझ्या शक्तिद्वारे तुझी कृपा राखून ठेव.

	आम्हाला आमचे दैनिक भोजन दे आणि जीवनाच्या गरजांच्या पूर्तीत तुझ्या संवर्धनाचे वरदान दे, ज्यायोगे आम्ही तुझ्या व्यतिरिक्त अन्य कोणावरही विसंबून राहू नये, पूर्णपणे तुझ्याशी तल्लीन व्हावे, तुझ्या मार्गावरून मार्गक्रमण करावे आणि तुझी रहस्ये घोषित करावीत. तू सर्व शक्तिमान आणि प्रेमळ आणि सर्व मानवजातीचा पालनकर्ता आहेस.

-`Abdu'l-Bahá
-----------------------

