बालके (#12508)

हे परमेश्वरा! ह्या लहान बालकाचे तुझ्या प्रेमळ हृदयी संगोपन कर आणि तुझ्या विधानाच्या वक्षस्थळातून मिळणाऱ्या दुधाने त्याचे पोषण कर. तुझ्या प्रेमाच्या गुलाब उद्यानात ह्या नवीन रोपट्याची जोपासना कर, आणि तुझ्या कृपा वर्षावाद्वारे त्याच्या वाढीस सहाय्य कर. त्याला दिव्य राज्याचे बालक बनव आणि तुझ्या स्वर्गीय राज्याकडे त्याचे मार्गदर्शन कर. तू समर्थ आणि दयाळू आहेस आणि तू दाता, औदार्यशाली व अद्वितीय वरदानांचा स्वामी आहेस.

-`Abdu'l-Bahá
-----------------------

बालके (#12509)

हे परमेश्वरा! ह्या बालकांना शिक्षित कर. ही बालके, तुझ्या फलोद्यानातील रोपटी, तुझ्या मळ्यातील फुले तथा तुझ्या बागेतील गुलाब आहेत. तुझा ज्ञान-वर्षाव त्यांच्यावर होऊ दे. तुझ्या प्रेमाने त्यांच्यावर सत्यसुर्य चमकू दे. तुझ्या वायुलहरीने त्यांना ताजेतवाने कर, जेणेकरून ती प्रशिक्षित होतील, त्यांची वाढ व विकास होईल आणि ती अतिसुंदर दिसतील. तू दाता आहेस, तू करुणामय आहेस.

-`Abdu'l-Bahá
-----------------------

बालके (#12510)

हे परमेश्वरा मला मार्गदर्शन कर, माझे संरक्षण कर, मला प्रकाशणारा दिपक व तेजस्वी तारा बनव. तूच शक्तिशाली व सामर्थ्यशाली आहेस.

-`Abdu'l-Bahá
-----------------------

